Blog

ዓዲግራት ዩኒቨርሲቲ በዛሬው ዕለት “የተገልጋይ እርካታ” በሚል ርዕስ ያተኮረ ሥልጠና አካሂዷል። ሥልጠናው የአገልግሎት ጥራትን ለማሻሻልና የተገልጋዮችን እርካታ ለማሳደግ ያለመ ሲሆን፣ በዩኒቨርሲቲው እና ከውጭ ተቋማት የተውጣጡ ተሳታፊዎችን አሳትፏል።

በፕሮግራሙ የዩኒቨርሲቲው አመራሮች፣ ከጥቃቅንና አነስተኛ ማኅበራት የተውጣጡ ተወካዮች፣ ከሁለተኛ ደረጃ ትምህርት ቤቶች የተውጣጡ መምህራን እንዲሁም የተለያዩ የዩኒቨርሲቲው ሠራተኞች ተሳትፈዋል።

የዕለቱን መርሃ ግብር መምህር ወንድሙ ሐለፎም በማስተዋወቅ ተሳታፊዎችን እንኳን ደህና መጣችሁ ብለው ተቀብለዋል። በመክፈቻ ንግግራቸው የዩኒቨርሲቲው የማኅበረሰብ አገልግሎትና ቴክኖሎጂ ሽግግር ዳይሬክተር ረ/ፕሮፌሰር ፅጌ አሰፋ የሥልጠናውን ዓላማ፣ አስፈላጊነት እና በአገልግሎት ማሻሻያ ሂደት ያለውን ሚና በተመለከተ ገለጻ አድርገዋል።

በመቀጠል የዓዲግራት ዩኒቨርሲቲ ቢዝነስና ኢኮኖሚክስ ኮሌጅ ዲን ረ/ፕሮፌሰር መሰረት መረሳ ስለ “የተገልጋይ እርካታ” ጽንሰ-ሐሳብ፣ አስፈላጊነትና ተቋማዊ ጠቀሜታ አጠቃላይ ግንዛቤና ትንተና አቅርበዋል።

በመቀጠልም ከቱሪዝም ትምህርት ክፍል መምህር አብርሃ ገብረመስቀል እና ከሎጂስቲክስና ሰፕላይ ቼይን ማኔጅመንት ትምህርት ክፍል መምህር ግርማይ ተስፋይ በጉዳዩ ላይ ሰፊ ማብራሪያና ተግባራዊ ሥልጠና ሰጥተዋል። በሥልጠናውም የተገልጋይ እርካታ ምንነት፣ የአተገባበር ስልቶች፣ ተቋማዊ ጥቅሞች እና በአገልግሎት ጥራት ላይ የሚያሳድረው ተጽዕኖ በዝርዝር ተዳስሷል።

በመጨረሻም ተሳታፊዎች ሥልጠናው ጠቃሚና ወቅታዊ መሆኑን ገልጸው፣ ከቀረቡት ጽንሰ-ሐሳቦችና ተግባራዊ ልምዶች ብዙ እንደተጠቀሙ አስረድተዋል። በተጨማሪም መሰል የአቅም ግንባታ ሥልጠናዎች ወደፊትም በቀጣይነት ተጠናክረው እንዲሰጡ ጥያቄና አስተያየታቸውን አቅርበዋል።

በመጨረሻም ለሥልጠናው ተሳታፊዎች የተሳትፎ ሰርቲፊኬት የተበረከተ ሲሆን፣ ፕሮግራሙም በተሳካ ሁኔታ ተጠናቋል።

በዓዲግራት ዩኒቨርሲቲ የኢንጅነሪንግና ቴክኖሎጂ ኮሌጅ ሥር በሚገኙ 10 የመጀመሪያ ዲግሪ (BSc) ፕሮግራሞች ላይ ለአራት ወራት ሲካሄድ የቆየው የትምህርት ፕሮግራም ግምገማ (Academic Program Review) ሪፖርት በዛሬው ዕለት ቀርቧል።

የዕለቱን ፕሮግራም ዶ/ር ሱዑድ ያስተዋወቁ ሲሆን፣ የመክፈቻ ንግግሩን ያደረጉት የኮሌጁ ዲን ረ/ፕሮፌሰር እሱባለው አወቀ ነበሩ።ኮሌጅ ዲኑ በንግግራቸው የፕሮግራም ግምገማ ሥራው በትምህርት ሚኒስቴር በተሰጠው መመሪያ መሠረት ለአራት ወራት በትጋት ሲከናወን መቆየቱን ገልጸው፣ ሪፖርቱ ወደ ግምገማ መድረክ በመድረሱ የሂደቱ አንዱ ወሳኝ ምዕራፍ መጠናቀቁን አስታውቀዋል። በቀጣይም ሁሉም አካላት በትብብር በመሥራት የማሻሻያ ሂደቱን እንደሚያስቀጥሉ ገልጸዋል።

በመቀጠል የአካዳሚክ ፕሮግራሞች ዳይሬክተር ረ/ ፕሮፌሰር ግርማይ ታደለ እንደገለጹት፣ የፕሮግራም ግምገማ ሂደቱ ሰፊ ጊዜና ጥረት የሚጠይቅ ሥራ መሆኑን ጠቁመዋል። እንዲሁም በትምህርት ሚኒስቴር በተቀመጠው መስፈርት መሠረት የሚከናወነው ይህ ግምገማ ፕሮግራሞችን ለመዝጋት ወይም ለመቀነስ ሳይሆን በማሻሻያ ሂደት በኩል የትምህርት ጥራትን ለማሳደግና ማኅበረሰቡን በተሻለ ሁኔታ ለማገልገል ያለመ መሆኑን ገልጸዋል።

ከዚያም ከእያንዳንዱ የትምህርት ክፍል የተወከሉ የኮሌጁ የፕሮግራም ክለሳ ኮሚቴ ኣባላት በየፕሮግራሞቻቸው የተከናወኑ የፕሮግራም ክለሳ ሥራዎችንና ውጤቶቻቸውን በዝርዝር አቅርበዋል።

በመድረኩ የተሳተፉ አካላት ባቀረቡት ሪፖርቶች ላይ ገንቢ አስተያየቶችና ድጋፍ ሰጪ ሃሳቦችን ያቀረቡ ሲሆን፣ የተነሱ ጥያቄዎችና ማብራሪያ የሚሹ ጉዳዮች ላይ ሰፊ ውይይት ተደርጓል።በመጨረሻም ከመድረኩ በተሰጡ ምላሾችና ማብራሪያዎች ፕሮግራሙ በተሳካ ሁኔታ ተጠናቋል።

ይህ የፕሮግራም ግምገማ ሂደት በኮሌጁ የሚሰጡ የትምህርት ፕሮግራሞችን ጥራት፣ ተዛማጅነትና ውጤታማነት ለማጠናከር የሚያግዝ አስፈላጊ እርምጃ መሆኑ ተጠቁሟል።

በዓዲግራት ከተማ የሚገኙ ሁለተኛ ደረጃ ትምህርት ቤት ተማሪዎች ከሰኔ 23/2018 ዓ/ም ጀምሮ ለሚካሄደው የ12ኛ ክፍል ፈተና የቴክኒክ ችግር እንዳይገጥማቸው ትምህርት ቤቶቹ ለዩኒቨርስቲው ባቀረቡት ጥያቄ መሰረት በዩኒቨርስቲው ድጋፍ እየተደረገላቸው ይገኛል።

ዓዲግራት ዩኒቨርስቲ በትምህርት ዘርፍ የሚደረግ ድጋፍ ለሃገርና ቤተሰብ ጠቃሚ የሚሆን ትውልድ ለማፍራት ትልቅ ሚና እንዳለው በማመን እስካሁን በአከባቢው የሚገኙ ትምህርት ቤቶች ሰፋፊ ድጋፍ ስያደርግ ቆይቷል።

ሰኔ 23/2018 ዓ/ም ጀምሮ ለሚሰጥ ሃገር አቀፍ የ12ኛ ክፍል ፈተና በዓዲግራት እና ኣከባቢው የሚገኙ በበይነ መረብ ፈተናቸው የሚወስዱ ተማሪዎች በፈተናው ወቅት የቴክኒክ ችግር እንዳይገጥማቸው የልምምድ ስራዎች በተከታታይ ቀናት እየሰሩ እንደሆነና የዩኒቨርስቲው የኣይሲቲ ባለሙያዎች ድጋፍ እያደረጉላቸው እንደሆነ የዓዲግራት ዩኒቨርስቲ ኣይሲቲ ዳይሬክተሩ ነጋሲ ታደሰ ገልፀውልናል።

The College of Medicine and Health Sciences (CMHS) at Adigrat University has initiated a comprehensive curriculum revision of its 10 academic programs to enhance academic quality and align training with current healthcare needs and technological advancements.

The review workshop brought together university leaders, faculty members, and stakeholders. Opening the event, Dr. Tasew Abraha, Chief Academic and Research Director, emphasized the importance of curriculum revision in maintaining educational excellence. Dr. Yemane Gebremariam, Dean of CMHS, highlighted the need to produce graduates who are academically competent, technologically adaptable, and socially responsible.

Mr. Girmay Tadele, Academic Program Director, commended the College for taking the lead in advancing the University’s academic reform agenda.

The workshop concluded with constructive discussions and feedback, which will be incorporated into the revised curricula to ensure alignment with national standards and emerging healthcare demands.